اولا مساء الخير عليكم 
ثانيا بالنسبة لعجينة البيتزا اما تستسهلى وتشترى عجينة فينو من الفرنة او تعمليها بنفسك ازاى؟؟

• 6 كوب دقيق
• علبة زبادى
• 2كوب حليب سائل
• 5معالق كبيرة زيت
• ربع كوب سكر 
• 2 معلقة كبيرة خميرة
• معلقة صغيرة بيكنج بودر
• رشة ملح
• تخلطيهم مع بعض وتترك لتخمر لمدة ساعتين
• وبعدين تفردى العجين على صينية مدهونة بالسمن او الزبد او الزيت
• واو طبقة تحطيها بعد فرد العجين هى الصلصة (صلصة طماطم عادية او صلصة البقال)
• وبعدين فلفل رومى متقطع وبعدين زيتون مخلى 
• وبعدين الحشو( اختيارى تونة او سجق او فراخ او لحمة او خضار حسب الرغبة)
• واخر حاجة هى الجبنة المنزوريلا او الجبنة الرومى 

وتوضع الفرن حتى تنضج(تعرفى انها نضجت من حروفها لما تحطى الشوكة تلاقيها بقت زى الفينو)
وبالهنا والشفا :)